verzaellchen
Zurück

Kath. Kirche in Lindlar


 

"Verzällchen" sind eine Art Kurzgeschichten in Lenkler Platt.

Hier ist nun eine Anzahl aufgelistet, die in der Broschüre "Geschichten und Verzällchen aus dem Bergischen" Autor und Herausgeber Josef Krämer enthalten sind.

De Muhßfall/ Ming Tante Settchen/ En Rechenkünstler/ En Sommerspazierjang/De schwazze Klutze/En Wundermedizin/ Uhß dr Ju´erendziet/ Van nühß kütt nühß/ En Wallfahrt/ Dr Möschenhoot/Dat Jespenst/ Dr Klapperstorch/ Bessemsbenger Chressnäht/ Et decke Chresskengkchen/ Wie en Engelchen/ En Kaningsbrohden/En Himmelsjeschenk/ usw.

Zeichnung:Lamsfohß Schmette

En Wundermedizin

Mr sohl meenen, en Pastu´er verstüng nühß van Fraulüggen, vanwejen demm Zölibat, ävver ech well üch jett verzellen, wie en Pastu´er nem Vrauminsch en Li´erstöcke opjeje´even hätt.Dat ess ald etliche Jo´er her, doch mäncheener kann ooch hückzedäächs noch dohvan li´eren.

Op et Zofall wo´er oder op doh eener van bovven sing Bodenpersonal ungerstützen woohlte un sing Hangk em Spill hatte,--- jedenfalls bejä´ent dr Pastu´er luuter wenn hä uhß dr O´evendmesse op heem aan jingk demm Steenkühler Pitter Pefferköfer van dr Müllesick. Der kunnte nit mieh janz jraad john un wo´er en nem Zostand, der en Lenkeln met demm Uhßdrock beschri´even wü´et: hä hatte eenen setzen-- oder hä hatte scheef jeladen .   Weil dat nu ald su döckes passi´et wo´er, kallte der Pastu´er denn Pitter eenes O´evend aan. Hä kannte en joh van Kengesbeenen aan un meente, hä wö´er em dat scholdich sech enzemischen, wo hück jedereenen meent, dat jingk en eejentlich nühß aan.  

"Der Herr sei mit dir," sähte hä, wie der Steenkühler ens widder aan em vorbeischoss.Der wo´er su verdatter, dat hä en singem vollen Koppe nit wosste, wat hä sähjen soolte.  "Jejrüsset seist du, -- Herr Pastu´er", rötschte et em eruhß. Der Pitter schaamte sech un leehß sech bestrungsen, am nächsten Samstach en singem besten Wammes nom Pasteraat ze john un en Bichtjespräch ze doohn. Dat hatte hä em Zustand einjeschränkter Zurechnungsfähichkeit versprochen, ävver ooch dat muss mr hahlen.

Ousen Pitter, en Ke´el wie en Boom, der met Steenen ömjohn kunnte, wie kennen angeren, hatte en jehörijen Bammel wie hä aan der Bimmel ne´even der Dü´er trook. Ävver su schlemm ess et dann nit jewu´eden. Et jo´ev sujaar en paar Pennchen Klo´eren un der Pitter verzahlte van singer schweren Ärbicht om Brungescht, un dat dr Lu´en hengen un vühren nit langkte, un wat die Blaaren eenem ooch döckes Sorjen maahten. Doch alles wö´er joh räht un schleet ze rejeln, wenn sing Mienchen nit en letzter Ziet ooch noch aanjefangen hätte ze schängen un ze kiefen.

"Nühß angescht wie knöttern. Bei jeder Kleenichkeit hätt et dn Mongk op bess aan de U´eren!" sähte der Pitter un dr Pastu´er moote em Stellen laachen.                              "Fröter haffier ous Sorjen zesaamen bekallt un irjendwie op de Reih kreejen, doch nu kann ech drheemen nit mieh ze Wo´et kummen. Ech benn et karnatenleed! Doh jonn ech leever i´escht eenen drenken, wenn ech van dr Ärbicht heemjohn. Schängens kriejen ech so oder so fröh jenuch!"

Der Pastu´er schöddelte zei´escht dn Kopp, doch dann jingk em en Leet op un hä meente en Uhßwech für denn Pitter un sing Mienchen ze wessen.  Hä jo´ev demm Steenkühler en kleen Fläsche met nr jooden Medizin en de Hangk. Der Pitter soohlte demm Mienchen en schönen Jroos bestellen un et möhte luuter en Schluck van der Medizin nemmen, jede Ki´er, wenn et en Versuchung wö´er, ze Schängen aanzesetzen. Dohbei soolte et dat Züch jootziets 5 Minutten em Mongk hahlen un öm Joddes Wellen nit i´erter eraffschlucken. Der Pitter moohte em versprechen nit mieh ze suufen, wenn sing Frau et Schängen draanjö´ev.

En der Ziet, van der ech am verzellen benn, hu´erten de Lück noch dropp, wat dr Pastu´er oder dr Lä´erer sähten, un su wo´er de Fläsche baal le´edich, ävver de Stimmung em Huhß van denn Peffeköfers wu´ete luuter friedlicher. En neu Fläsche van der Wundermedizin hätt der Pitter noch bei demm Pastu´er jehollt. Die stung lange Ziet aanjebrochenem Köchenschaff, doch baal wo´er se nit mieh nü´edich.

Dohbei schmohte dat Züch eejentlich noh nühß,--- den et wo´er, wie ühr längst jerohden hatt, klo´er Wasser van dr Pumpe.    

Alle Geschichten gibt es in einem Heftchen über                          jokraemer@mundart-jupp.de     




Datenschutzerklärung
Kostenlose Homepage von Beepworld
 
Verantwortlich für den Inhalt dieser Seite ist ausschließlich der
Autor dieser Homepage, kontaktierbar über dieses Formular!